مزاجيّة
سيّد الخافق ومسهر طرف عيني
عرشك الصدر وضلوع الصدر تاجك
رغم كل الحب ما بينك وبيني
وصلك علاجي وتعذيبي علاجك
مو غريبة يوم اجيك وما تجيني
احتياجي لك مهو مثل احتياجك
لو سمعت اللي يسولف به حنيني
ما حرمت الشوف من ضحكة حجاجك
تطلب أيامي واقدّم لك سنيني
واطلبك وصلك وتسقيني هماجك
ما تبيني وان هدا بالك تبيني
وان سطوة بردك وقسوة عجاجك
يوم تكرهني ويوم تموت فيني
إلي متى وانا تحت رحمة مزاجك؟
